Inter-i ka arkëtuar tri pikë të reja në “San Siro” ndaj Napoli-t, ndeshje e vlefshme për xhiron e 37-të të Seria A.

Skuadra e Antonio Conte shënoi dy herë në portën e mysafirëve që t’i arkëtojnë tri pikë, shkruan portali arbresh.info.

Ishte D’Ambrosio që pas asistimit së Biraghi-t dërgoi portën në rrjetë në minutën e 11-të, rezultat me të cilën skuadrat shkuan në pushime.

Ndërsa, gjatë pjesës së dytë ishte ylli i skuadrës Lautaro Martinez, që në minutën e 74-të vulosi fitoren e “Neurazurëve” me një super gol rreth 20 metrave larg portës.

Kjo fitore nuk i ka hyrë në punë Inter-it, ngase Juventus-i e ka fituar titullin, mirëpo ia ka prishur punët skuadrës së Napoli-t, të cilët duhet të shpresojnë për dy humbje të AC Milan-it që të renditën në pozitën e gjashtë.

Momentalisht Inter-i mban pozitën e dytë me 79 pikë, kurse Napoli renditët në pozitën e shtatë me 59 pikë./arbresh.info.

https://twitter.com/RenzoMPantich/status/1288226816763801604

https://twitter.com/JustFootballES/status/1288213659437666309