Ish-futbollisti Igli Tare ka rrëfyer në “Procesin Sportiv” ngjarjet e 2014 në Beograd, aty ku ai ka qenë duke ndjekur ndeshjen e kombëtares shqiptare me atë serbe.

Tare deklaroi se ka qenë një eksperiencë e keqe, teksa janë detyruar të braktisin vendin në kohë rekord, kjo për shkak të rrezikut.

Gjatë kësaj kohe, ai tregoi se i ka shoqëruar shërbimi sekret serb, e më pas policia.

“E mora vesh shortin… ne kemi ndeshjen e famshme në Beograd. Puna e shortit sapo ndodhi e kujtova atë. Kemi përjetuar një aventurë, sa të tmerrshme aq edhe të bukur. Na njohën kur u futëm aty dhe kur doli droni na sulmuan aty në tribunë.

Ish-futbollisti foli edhe për ndeshjet e Shqipërisë, ku veçoi disa nga futbollistët.

“Nga ana sportive besoj që skuadra për sa i përket repartit të sulmit ka shumë opsione. Është Uzuni, Broja, Daku dhe Seferi e ka merituar fushën. Ka shumë… Bajrami, Muçi, janë lojtarë që kanë shumë potencial dhe se nuk e kanë shprehur të gjithë potencialin që kanë.

Nuk e kanë shprehur të gjithë potencialin që ka kjo skuadër. Nuk e besoj, me eksperiencën që kanë lojtarët tanë, nuk mund të futemi si inferiorë. Me Anglinë nuk kemi çfarë të humbasim. Është një eksperiencë tjetër”, tha Tare.