Los Angeles FC po shton përpjekjet për të transferuar sulmuesin e Tottenham Hotspur, Son Heung-min, ka raportuar The Athletic.

Bisedimet mes palëve janë ende në zhvillim, ndërsa afati i dytë i transferimeve në MLS hapet më 24 korrik.

LAFC është optimist se mund ta bindë kapitenin e Spurs që të nisë një aventurë të re në SHBA.

Son, 33 vjeç, thuhet se nuk është pjesë e planeve afatgjata të trajnerit të ri të Tottenhamit, Thomas Frank, megjithëse ai ka shprehur vlerësim për përkushtimin e sulmuesit në stërvitje.

Përveç aspektit sportiv, ndikimi i Son në tregun aziatik është tejet i rëndësishëm për Los Angeles, qytet me popullsinë më të madhe koreane në SHBA.

Megjithatë, nuk pritet që ai të largohet para përfundimit të turneut para-sezonal të Spurs, që përfshin një ndeshje miqësore me Newcastle në Seul më 3 gusht.

Nëse transferimi realizohet, Son do të ribashkohej me ish-portierin e Tottenhamit, Hugo Lloris, i cili iu bashkua LAFC-së në vitin 2024. /Telegrafi/