Manchester City dhe Tottenham ndanë pikët në derbin e xhiros së 24-të në Premier League, me sfidën që u mbyll 2-2.

City e nisi ndeshjen më mirë dhe kaloi në epërsi që në minutën e 11-të, kur Rayan Cherki realizoi një gol të bukur, shkruan Arbresh.info.

Mysafirët vazhduan dominim dhe realizuan edhe golin në fundin e pjesës së parë me Semenyon.

Tottenham reagoi në pjesën e dytë. Në minutën e 53-të, një keqkuptim fatal mes Marc Guéhi dhe portierit të Cityt solli autogolin që rihapi ndeshjen (1:2), gol i cili u konfirmua pas rishikimit nga VAR-i.

Dominic Solanke shënoi një gol spektakolar me thembër pas krosimit të Conor Gallagher, duke barazuar shifrat në 2:2.

Deri në fund nuk pati gola tjerë dhe City bëri një hap fals në garën për titullin kampion. Tashmë skuadra e Guardiolas ka 47 pikë gjashtë më pak se Arsenali. Ndërkohë, Tottenhami është i 14-ti me 29 sosh.

Ndeshjen e ardhshme Tottenhami e luan në udhëtim tek Manchester United, kurse City përballet me Liverpoolin./Arbresh.info