Ish-trajneri i Barcelonës, Pep Guardiola, beson se Real Madridi ka humbur shumë nga shitja e të ‘pazëvendësueshmit’ Cristiano Ronaldo dhe beson se Blaugranët janë favoritë për të fituar El Clasicon.
El Clasico e radhës zhvillohet nesër (e diel) nga ora 16:15 në Camp Nou dhe ish-trajneri i Barcelonës, Guardiola beson se katalunasit kanë paksa përparësi në këtë ndeshjes pasi Real Madridi ka humbur shumë nga shitja e Ronaldos te Juventusi.
“Madrid e filloi mirë sezonin. Ata kanë rënë kohëve të fundit, por do të jenë lartë në fund të sezonit”, ka thënë fillimisht Guardiola për Univision Deportes.
“Futbolli spanjoll ka qenë me fat që të ketë dy lojtarë të pabesueshëm si Ronaldo dhe Messi në dekadën e fundit, dhe kjo ka ndihmuar në rritjen e futbollit spanjoll”.
“Derbi i tillë është i veçantë, nuk ka favoritë. Sidoqoftë, Barcelona luan në shtëpi dhe gjithmonë ka një përparësi”.
“Me ose pa Ronaldon, Real Madridi është një ekip i madh, por ata kanë humbur shumë, 50 ose 60 gola nga ai”.
“Ai është një lojtar i pabesueshëm, jo vetëm për golat e tij, por edhe asistimet e tij në momente të rëndësishme”.
“Ai është i pazëvendësueshëm”, përfundoi trajneri spanjoll i Manchester Cityt.
Vasfije Krasniqi mbështet marshin “Drejtësi, jo politikë”, d...
Katër vetura përfshihen në aksident në Prishtinë, shtatë të ...
Tully: Pas qershorit 1999, Policia Ushtarake e UÇK-së nuk ka...
Rasti spiunazhit ndaj zyrtares së OSBE-së, Apeli shpall prov...
Aksident me vdekje në Tiranë, humb jetën 23-vjeçarja
Trajneri i Irlandës: Kosova ka qenë mbresëlënëse në ndeshjet...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
