Granit Xhaka ka “ushqyer” spekulimet që Arsenali është i vendosur për të nënshkruar me Sead Kolasinac pasi ylli kosovar ka filluar ta ndjek atë në Instagram.

Futbollisti i Schalkes është shfaqur si shënjestër kryesore e “Topçinjve” për transferim dhe mund t’i bashkohet klubit anglez falas me përfundimin e këtij sezoni, shkruan portali arbresh.info.

Arsenali thuhet se i ka ofruar reprezentuesit boshnjak 119 mijë funta në javë për t’iu bashkuar atyre gjatë verës derisa Arsene Wenger vazhdon të kërkoj për përforcime pas një tjetër edicioni zhgënjyes.

Lexo më shumë: Pse e refuzoi Lionel Messi kontratën e re?

Manchester City dhe AC Milan besohet se janë gjithashtu të interesuar për shënjestrën e gjigantit në Premierë Ligë, por siç duket Arsenali e ka fituar këtë garë në bazë të aktivitetit në rrjete sociale të Granit Xhakës.

Mesfushori kosovar i Zvicrës, i cili iu bashkua skuadrës te Londra verën e kaluar nga Borussia Monchengladbachi, ka filluar ta ndjek Kolasinacin në Instagram duke lënë të kuptohet se është arritur tashmë një marrëveshje ndërmjet klubeve./arbresh.info