Xherdan Shaqiri ka rikthyer formën këtë edicion në Premierë Ligë.

Ylli shqiptar është duke shkëlqyer deri tani me paraqitjen e tij te skuadra nën udhëheqjen e trajnerit Mark Hughes, i cili vazhdon lavdëron anësorin për peformnacat e tij në fushë, shkruan portali arbresh.info.

Shaqiri kontribuoi për skuadrën e tij edhe në takimin e sotëm si nikoqir në Bet365 kundër Swanseas Cityt. Stoke City arriti të fitoj me përmbysje ndeshjen e pasdites së sotme të zhvilluar në kuadër të xhiros së 15-të në Premierë Ligë.

Reprezentuesi shqiptar i Zvicrës riktheu në lojë skuadrën e tij duke barazuar rezultatin në 1 me 1 në minutën e 38′ të ndeshjes pas asistimit nga Jeo Allen. Por, goli i realizuar nga 26-vjeçari ishte i rrallë.

Ndryshe nga supergolat nga distanca që jemi mësuar t’i shohim nga Xherdan Shaqiri, futbollisti i lindur në Zhegër të Gjilanit realizoi sot (e shtunë) brenda zonës së rreptësisë.

Goli tjetër nga “Potters” u shënua vetëm katër minuta më vonë. Mame Diouf shënoi për 2 me 1 në minutën e 40′ pas asistimit nga Peter Crouch duke i siguruar fitoren skuadrës së tij.

Stoke City aktualisht qëndron në pozitën e 13-të në tabelën e Premierë Ligës me vetëm 16 pikë./arbresh.info/