Atalanta ka shënuar fitore të vështirë ndaj Empolit për të mbetur në krye të tabelës.

Skuadra e Gjimshitit triufmoi me rezultat 3:2, në ndeshjen e vlefshme për xhiron e 17-të në Serie A.

Mysafirët kaluan të parët në epërsi në minutën e 13-të me golin që e shënoi Lorenzo Colombo.

Charles De Ketelaere në minutën e 34-të i barazoi shifrat për vendësit. Shtatë minuta më pas Ademola Lookman shënoi për 2:1.

Sebastiano Esposito në minutën e 56-të i barazoi shifrat në 2:2.

De Ketelaere në minutën e 86-të realizoi sërish për 3:2 e që në fund ishte edhe goli i fitores për Atalantan.

Berat Gjimshiti luajti deri në minutën e 70-të te vendësit. Ndërsa Ardian Ismajli e kompletoi ndeshjen tek Empoli.

Atalanta mbetet lidere në tabelë me 40 pikë, ndërsa Empoli renditet në pozitën e 11-të me 19 pikë.