Gjilani ka arritur të mposht Lirinë me rezultat 3-1 në Prizren në kuadër të xhiros së 34-të në Superligën e Kosovës në futboll.

Mysafirët e nisën më mirë ndeshjen duke shënuar golin e parë në minutën e 27-të përmes Jarovicit, shkruan Arbresh.info.

Kurse vetëm pas tetë minutash, erdhi goli i barazimit nga Liria.

Gol të cilin në portën e tij e dërgoi lojtari i Gjilanit, Dajan Shehi.

Ndërkohë në pjesën e dytë u shënuan edhe dy gola të tjerë por me realizues të njëjtë.

Kushtrim Shabani në minutën e 46-të riktheu epërsinë e Gjilanit.

Kurse pasi kaloi një orë lojë, po i njëjti shënoi për rezultatin 3-1.

Deri në fund gola nuk pati dhe Gjilani arkëtoi tre pikë të mëdha në luftë për të ikur nga barazhi.

Pas kësaj fitore Gjilani ka 39 pikë dhe është i shtati kurse Liria ndodhet në pozitën e fundit me 14 sosh, ku tani më e ka të sigurtë se sezonin e ardhshëm gara do të bëjë në Ligën e Parë të Kosovës./Arbresh.info/