Gjilani vazhdon konsolidimin e skuadrës për edicionin e ri të garave në Superligën e Kosovës në futboll.

Skuadra gjilanase ka arritur marrëveshje me futbollistin Mehdi Çobaj, shkruan Arbresh.info.

Ai ka nënshkruar kontratë deri në vitin 2027. Çobaj është transferuar nga Vllaznia e Shkodrës, ndërsa me këtë skuadër ka dy trofe të fituar.

Lajmi është bërë i ditur përmes një postimi në rrjetin social Facebook të klubit.

“25-vjeçari i cili luan në pozitën e sulmuesit të krahut ka qenë gjithashtu edhe reprezentues i Kombëtares shqiptare në moshat e 21-vjeçarëve. Çoba është mirëpritur nga drejtori gjeneral i klubit, Syart Rrahmani, i cili i ka uruar mirëseardhje dhe shumë suksese”, ka shkruar Gjilani.

Gjilani disa ditë më parë ka njoftuar se ka arritur marrëveshje edhe me Lorik Boshnjakun, Mevlan Adili si dhe Besart Krivanjevan./Arbresh.info