Gjermania është rikthyer tek fitorja pas asaj disfate nga Sllovakia tre ditë më parë. ‘Pancerat’ sonte triumfuan ndaj Irlandës së Veriut me rezultat 3-1.

Ndeshja nisi mirë për ta pasi Gnabry realizoi pas vetëm shtatë minutash lojë, shkruan Arbresh.info.

Mirëpo irlandezo-veriorët, u kthyen në lojë duke barazuar me anë të Price në minutën e 34-të.

Pjesa e dytë i takoi gjermanëve, ku edhe realizuan dy golat e fitores. Fillimisht, Amiri në minutën e 69-të riktheu epërsinë për 2-1.

Teksa tre minuta më vonë i shumë kritikuari, Florian Ëirtz i jepi vulën e fitores me golin e tij.

Deri në fund nuk pati gola tjerë dhe Gjermania arkëtoi tre pikët e para në grupin A, kualifikues për Botëror.

Pas dy ndeshjeve këtij grupi i prinë Sllovakia me gjashtë pikë, nga tri sosh kanë Gjermania dhe Irlanda e Veriut kurse pa pikë është Luksemburgu.

Ndeshjen e ardhshme, Gjermania e luan ndaj Luksemburgut ndërsa Irlanda e Veriut e pret në shtëpi Sllovakinë./Arbresh.info