Futbollistët e Kombëtares së Çekisë rezultojnë pozitiv me COVID-19 pas ndeshjes me Sllovakinë

Soccer Football - UEFA Nations League - League B - Group 2 - Slovakia v Czech Republic - Tehelne pole, Bratislava, Slovakia - September 4, 2020 Czech Republic's Michal Krmencik celebrates scoring their third goal with teammates REUTERS/Radovan Stoklasa

09:30 | 5 Shtator 2020
Arbresh.info

Menjëherë pas fitores 3:1 ndaj Sllovakisë në Ligën e Kombeve, Federata e Futbollit të Çekisë ka vendosur në mënyrë të njëanshme të mos e luajë ndeshjen tjetër të grupit kundër Skocisë, e paraparë për ditën e hënë.

“Ekipi ynë kombëtar nuk do të luajë kundër Skocisë të hënën për shkak të vendimit të përfaqësuesve dhe situatës aktuale me COVID-19”, thuhet në njoftim, përcjell lajmi.net.

“Kombëtarja përfundon përgatitjet aktuale me efekt të menjëhershëm pas fitores kundër Sllovakisë”.

“Situata me koronavirus” e deklaruar do të thotë se në gjithë ekipin kombëtar çek është përhapur koronavirusi, raportojnë mediet lokale çeke.

Vendimi i Çekisë është në përputhje me rregullat e UEFA-s, ku thuhet se një ndeshje nuk do të zhvillohet nëse një skuadër nuk ka të paktën 13 lojtarë në dispozicion.