Ministrja për Dialog Edita Tahiri kishte thënë se pranvera do ta shkrinte fusnotën sikur flluskat e borës. Porse shumë flluska u shkrinë prejse Edita Tahiri e bëri këtë deklaratë, e fusnota vazhdoi të mbetet realitet.

Kësaj fusnote që Kosova e pranoi në bisedimet politike në Bruksel po ia sheh sherrin edhe sporti kosovar.

Përfaqësuesja e Kosovës ishte detyruar që në ndeshjet e kaluara të mbante në fanellë fusnotën gjë të cilën nuk e ka asnjë përfaqësuese tjetër në botë, raporton ‘zeri.info’

Këtë fusnotë pritet që si pasojë e problemeve politike, Kosova ta bart edhe në të ardhmen.

Ndërkohë që UEFA pritet që ta pranojë futbollin tonë, Fusnota do të mbetet një problem konstant i cili mbase mund t’i hutojë edhe simpatizantët e këtij sporti pasi për herë të parë fusnotë do të shohin në fanellën e Përfaqësueses së Republikës sonë.