Kombëtarja e Francës me dhjetë lojtar ka regjistruar fitore 3 me 2 në ndeshjen miqësore të zhvilluar në Stade de France këtë mbrëmje kundër Anglisë.

Sulmuesi Harry Kane i dha mysafirëve epërsinë pas vetëm dhjetë minuta lojë në ndeshjen e fundit të edicionit 2016/17, por Franca u rikthye fuqishëm duke shënuar dy gola përmes Samuel Umtitit dhe Djibril Sidibes edhe pa përfunduar pjesa e parë, shkruan portali arbresh.info.

Harry Kane realizoi sërish menjëherë pasi filloi fraksioni i dytë duke u treguar i saktë nga pika e bardhë, por Ousmane Demble shënoi golin e fitores 12 minuta pa përfunduar koha e rregullt e takimit.

Mbrojtësi i Real Madridit, Raphael Varane ishte ndëshkuar me karton të kuq në minutën e  48′ të ndeshjes duke lënë skuadrën e Didier Deschamps me vetëm 10 lojtarë në fushë.

Ndryshe, kjo është disfata e katër radhazi e Anglisë në ndeshjet si mysafirë, gjë që ka ndodhur për herë të parë që nga shtatori i vitit 2004./arbresh.info