Liria e Prizrenit ka arritur një fitore të madhe në udhëtim.

Bardhezinjtë u përballen me Hajvalinë në Kizhnicë duke e mposhtur me rezultat 2-4.

Sulmuesi i rrezikshëm, Liridon Fetahaj kaloi mysafirët në epërsi në minutën e 39-të.

Por në minutën e fundit të pjesës së parë, Hajvalia barazoi nëpërmjet talentit të madh Edison Kçiku.

Me të filluar pjesa e dytë, Liridon Fetahaj përsëri realizoi për epërsinë e dytë në këtë ndeshje të Lirisë.

Ndërkohë në minutën e 69-të, nigeriani Ogemwiye shënoi për 1-3 ku kësaj radhe asistoi autori i dy golave, Liridon Fetahaj.

Për 2-3 vendasit shënuan në minutën e 76-të nëpërmjet Egber Vitisë.

Ndërkohë Liridon Fetahaj kompletoi het-trikun e tij në minutën e 80-të duke shënuar për 2-4.

Fitorja ndaj Hajvalisë, e ngritë Lirinë në pozitën e shtatë me 23 pikë, ndërkohë Hajvalia mbetet në pozitën e fundit me vetëm shtatë pikë.