Lojtarët e Portos festuan në mënyrë të egër në aeroplan humbjen e penalltisë së minutave shtesë të Atletico Madridit ndaj Bayer Leverkusenit, pasi ajo siguroi kualifikimin e tyre në raundin tjetër të Ligës së Kampionëve.

Skuadra portugeze fitoi 4-0 ndaj Club Brugge në ndeshjen e parë të mbrëmjes në Grupin B, me Mehdi Taremi që realizoi dy gola, Evanilson dhe Stephen Eustaquio nga një.

Fitorja kundër kryesuesve të grupit e çoi Porton në nëntë pikë në ndeshjen e fundit.

Megjithatë, skuadra e Sergio Conceicao ka arritur në fazën eliminatore pas një drame mjaft të jashtëzakonshme në ndeshjen tjetër në grup, pasi Atletico priti Leverkusenin në Wanda Metropolitano.

Dy herë finalistët u kthyen dy herë në lojë pas golave nga Moussa Diaby dhe Callum Hudson-Odoi, me Yannick Carrasco dhe Rodrigo de Paul që gjetën rrjetën.

Megjithatë, e gjithë drama ishte rezervuar për minutat shtesë, kur gjyqtari përfundoi ndeshjen, ndërsa disa minuta më vonë riktheu skuadrat në fushë shkaku i një rishikimi të VAR-it, duke akorduar penallti për Atleticon.

Penalltinë për ta ekzekutuar e mori përsipër Carrasco, i cili e humbi atë, ndërsa nga topi i kthyer Saul Niguez goditi traversën dhe përsëri goditja e Reinaldos u ndalua.

Kjo situatë u pa e gjitha ‘live’ nga lojtarët dhe stafi i Portos, të cilët ishin duke udhëtuar me aeroplan dhe festa e tyre ishte e jashtëzakonshme pasi siguruar kualifikimin tutje.