Agjenti i Erling Haaland, Mino Raiola e ka këshilluar klientin t’i bashkohet Manchester United.

Haaland është një ndër sulmuesit që ka befasuar të gjithë me formën e tij dhe po kërkohet nga shumë gjigantë evropian, transmeton portali arbresh.info.

19-vjeçari ka arritur të shënojë 28 gola në 21 ndeshje për klubin austriak, gjë që ka bërë të fitojë vëmendjen e Real Madrid, Bayern Munich dhe Juventus.

Mirëpo, trajneri i United, Ole Gunnar Solskjaer po kërkon me patjetër të ribashkohet me norvegjezin, të cilin e ka trajnuar në Molde.

Javën e kaluar është raportuar se klauzola e lojtarit është 20 milionë euro, andaj bashkimi në “Old Trafford” është shumë i lehtë.

Sipas The Athletic, agjenti Raiola ka kërkuar nga klienti i tij t’i bashkohet “Djajve të Kuq”./arbresh.info.