Tottenhami ka arritur të fitojë derbin e Londrës së veriut ndaj Arsenalit, me rezultat minimal 1 me 0.

Skuadra e trajnerit argjentinas, Mauricio Pochettinos, ishte më e mirë gjatë tërë ndeshjes, edhe pse nuk arritën të konvertonin rastet e shumta që krijuan.

Golin e fitores e shënoi sulmuesi anglez, Harry Kane, i cili shënoi me kokë në minutën e 49.

Me këtë fitore ‘gjelat’ tashmë kanë gjashtë pikë më shumë se Arsenali dhe renditen në pozitën e tretë, ndërsa Arsenali në pozitën e gjashtë me 45 pikë.

Nuk do të ishte derbi i Londrës së veriut nëse nuk do të kishte përleshje ndërmjet lojtarëve.

Me përfundimin e ndeshjes nga gjyqtari kryesor, Anthony Taylor, Erik Lamela dhe Jack Wilshere shkëmbyen fjalë dhe ishin shumë afër ta shndërronin në duel fizik, por ndërhyrja e bashkëlojtarëve të tyre ishte e shpejtë dhe u qetësua situata.

Besohet se Lamela është tallur me Wilshere për shkak të fitores, e të cilën mesfushori anglez nuk e duroi. /arbresh.info/

Well it wouldn't be a North London derby without some words exchanged 🗣

Jack Wilshere and Érik Lamela exchange pleasantries at the full time whistle 😡 pic.twitter.com/nHrNmzQ0gF

— Football on TNT Sports (@footballontnt) February 10, 2018