Lille sonte luan ndeshjen e parë të Play-offit në kuadër të kualifikimeve për Champions League ndaj skuadrës çeke Slavia Prague.

Kjo sfidë nis nga ora 21:00, shkruan Arbresh.info.

Kurse vëmendja kryesore është të fantazisti kosovar Edon Zhegrova, i cili është shumë afër të arrij në garën më prestigjioze në kuadër të klubeve.

Për të arritur këtë ëndërr Edoni me shokë duhet të mposhtin së pari Slvaia Praguen, e cila në këtë fazë arriti duke kaluar skuadrën belge Union SG.

Ndërsa skuadrën e Lille ka kaluar një kundërshtar tjetër të fortë siç është Fenerbahçe.

Pikërisht në ndeshjen e parë ndaj skuadrës turke shkëlqeu Edon Zhegrova ku edhe realizoi golin e fitores i cili ishte vendimtar pastaj.

Anësori dardan pati një super sezon të kaluarin ku realizoi 12 gola e shtatë asistime në të gjitha garat me Lillen./Arbresh.info