Unai Emery është impresionuar nga raporti në rritje i skuadrës së tij me tifozët e Arsenalit.

Pas përfundimit të regjimit prej 22 viteve të Arsene Wengerit, një numër i madh i tifozëve filluan të bojkotojnë ndeshjet në protestë të hierarkisë së klubit, transmeton portali arbresh.info.

Gjërat filluan të duken më të mira nën udhëheqjen e Unai Emery, veçanërisht pas barazimit 1 me 1 të së dielës me Liverpoolin në Emirates. Emery ka lavdëruar tifozët për atmosferën e veçantë kundër njërit nga rivalët më të mëdhenj të “Topçinjve”.

“Lidhje me tifozët është shumë e rëndësishme”, ka thënë Emery pas ndeshjes.

“Këtu u krijua një atmosferë e madhe, për t’i ndihmuar lojtarët që të jenë së bashku me tifozët. Sot ishte një shembull shumë i mirë për ne, për të gjithë, për të krijuar këtë atmosferë”

“Dua t’i ndihmoj lojtarët nga bankina, unë dua t’i jap atyre besimin tim dhe energjinë time, por shtytja më e rëndësishme është energjia nga tifozët”

Arsenali aktualisht qëndron në pozitën e pestë në tabelën e Premierë Ligë me vetëm një pikë më pak se Tottenham Hotspuri i vendosur në pozitën e katërt./arbresh.info/