Harvey Elliott ka bërë histori të Ligës së Kampionëve me Liverpoolin pasi u emërua në 11-shen titullarë për ndeshjen kundër Interit të mërkurën mbrëma.

Elliott, 18 vjeç, mori paraqitjen e tij të parë në garën kryesore evropiane të klubeve në ndeshjen ndaj Interit në San Siro.

Mesfushori po bën paraqitjen e tij të shtatë në të gjitha garat këtë sezon me Reds, pasi ishte për një kohë të gjatë jashtë fushave shkaku i lëndimit.

Në moshën 18 vjeç e 318 ditë, Elliott ka thyer rekordin e Trent Alexander-Arnold si lojtari më i ri i Liverpoolit që ka nisur një ndeshje të Ligës së Kampionëve.

Alexander-Arnold ishte 18 vjeç e 354 ditë kur mori ndeshjen e tij të parë në Ligën e Kampionëve si titullar.

Ai vendosi rekordin në vitin 2017 kur u shfaq në takimin kundër Spartak Moskës.

18 – Aged 18 years and 318 days, Harvey Elliott is the youngest player ever to start a European Cup/Champions League match for Liverpool (excl. qualifiers), overtaking teammate Trent Alexander-Arnold (18y 354d v Spartak Moscow in 2017). Stage. pic.twitter.com/gIXvm6nm89

— OptaJoe (@OptaJoe) February 16, 2022

Elliott është gjithashtu lojtari më i ri anglez që ka debutuar në Ligën e Kampionëve në fazat e eliminimit.

Rekordi i mëparshëm u vendos nga Kieran Gibbs, i cili e bëri këtë për Arsenalin në çerekfinalet e sezonit 2008/09 në moshën 19 vjeç e 201 ditë.