Pas nisjes së sezonit të ri në ligat kryesore, futbolli evropian po i afrohet një prej momenteve më të rëndësishme në këtë fazë.

Nesër (e enjte) shtëpia më e madhe e futbollit në Evropë do të bëjë hedhjen e shortit të fazës së grupeve në Ligën e Kampionëve.

32 skuadrat pjesëmarrëse në sezonin 2017/2018 do të mësojnë kundërshtarët për fazën e grupeve.

Barcelona si kampione e La Ligas do të jetë pjesë e vazos A, së bashku me skuadra si Real Madrid, Atleticon, Bayern Munich, Manchester City, Juventus e PSG.

Sport.es ka parashikuar kundërshtarët më të vështirë të mundshëm për Barcelonën në këtë fazë, ku në vazon e dytë cek Romën, me të cilën katalanët janë përballur vitin e kaluar dhe janë eliminuar në çerekfinale.

Skuadër që Barcelona dëshiron të shmangë në vazon e tretë është Liverpooli, ndërsa në vazon e katërt Interi, që rikthehet pas disa viteve në Ligën e Kampionëve