Edon Zhegrova nominohet për t’u bërë pjesë e ekipit të vitit në “EA FC”

19:55 | 6 Janar 2025
D.H

Edon Zhegrova ka pasur paraqitje fenomenale gjatë vitit 2024.

Shumëkush e cilëson vitin që lamë pas më të mirin në karrierën e tij, shkruan Arbresh.info.

Performancat e yllit dardan ranë në sy të gjithë botës sidomos ndeshjet e fundit në Champions League, ndaj Real Madridit, Atletico Madridit si dhe Juventusit.

Ai shkëlqeu edhe në Ligue 1. Këto suksese natyrisht që nuk kanë kaluar pa u shpërblyer, me Zhegrovën që e fitoi çmimin “Fadil Vokrri” i dhuruar nga FFK-ja.

Përveç atij çmimi, lojtari dardan tashmë është nominuar edhe për “Team Of The Year” që përzgjidhet nga videoloja “EA Sports FC”.

Së bashku me Zhegrovën, i nominuar është edhe bashkëlojtari i tij, Jonathan David, njofton Lille në rrjetin social “Facebook”.

LINKU