Edoardo Reja, trajneri i Kombëtares së Shqipërisë ka bërë publikë listën e 24 lojtarëve të grumbulluar për dy ndeshjet e fundit kualifikuese të vlefshme për Kampionatin Botëror “Katari 2022”.

Lista ka pak ndryshime nga grumbullimi i fundit në tetor, teksa rikthehen në Kombëtare emra si Albi Doka dhe Qazim Laçi.

Laçi nuk ishte i grumbulluar me pjesën tjetër të skuadrës në tetor për shkak të disa problemeve fizike.

Për shkak të lëndimit, këtë herë do të mungojë mbrojtësi i Atalantas, Berat Gjimshiti, i cili u lëndua në ndeshjen që Shqipërisa e zhvilloi kundër Hungarisë në Budapest dhe nuk do të ketë mundësi të jap kontributin e tij me kuqezinjët.

Ekipi do të nisë grumbullimin nga dita e hënë në Durrës, ku do të nisin përgatitjet për dy ndeshjet e radhës, që janë edhe dy sfidat e fundit për këtë fushë eliminatoresh.

Shqipëria renditet aktualisht e treta në Grupin I me 15 pikë pas tetë ndeshjeve, ndërsa më 12 nëntor do të sfidojë Anglinë në udhëtim, ndërsa më 15 nëntor do të presin Andorrën në “Air Albania”./Arbresh.info