E papritur, Arsenali synon transferimin sensacional të Ivan Perisicit

13:48 | 26 Janar 2019
Arbresh Info

Arsenali ka bërë një përpjekje sensacionale për të siguruar në formë huazimi anësorin e Interit, Ivan Perisic.

Bazuar në një raport nga BBC, “Topçinjtë” dëshirojnë të sjellin 29-vjeçarin në skuadër deri në fund të sezon me opsionin për të blerë atë më pas për 35 milionë funta, transmeton portali arbresh.info.

Lojtari besohet të jetë i “hapur për transferim”.

Transferimi i tij do të konsiderohej një goditje e befasishme për shkak se Perisic në të kaluarën është përfolur për transferim te rivali i tyre në ligë – Manchester United.

Ai ka bërë 67 paraqitje te Kroacia dhe ka shënuar 17 gola.

Kjo po ashtu do të zbuste negativitetin në skuadër që erdhi pas disfatës 3 me 1 të “Topçinjve” në shtëpi kundër United në xhiron e katërt të FA Kupës./arbresh.info/