KF Dukagjini ka shënuar humbje ndaj HNK Rijeka me rezultat 1-0 në ndeshjen e vlefshme për raundin e dytë kualifikues në Ligën e Konferencës.

Ndeshja e parë e raundit të dytë u zhvillua në stadiumin “Fadil Vokrri” në Prishtinë, ku për fat të keq për klubin nga Klina,  u mposhten nga gjiganti kroat.

Pjesa e parë e ndeshjes u karakterizua me dominim të kroatëve, e cila përveç rasteve të shumta arriti ta shënoj edhe një gol, përcjell arbresh.info.

Goli i vetëm në këtë pjesë erdhi në minutën e 30-të me anë të Niko Jankovic, i cili shënoi një supergol për 0-1.

Në pjesën e dytë, Dukagjini rriti paksa rastet, por përsëri mysafirët ishin skuadër më e mirë në reaprtin e mbrojtjes.

Megjithatë, gjithçka iu vështirësua në minutën e 62-të kur kapiteni Altin Merlaku mori edhe kartonin e dytë të verdhë dhe la skuadrën me 10 lojtarë, shkruan telegrafi.

Në minutën e fundit të ndeshjes, edhe trajneri Armend Dallku u ndëshkua me të kuq dhe ndeshja u mbyll me humbjen e Dukagjinit 0-1.

Ndeshja kthyese pritet të zhvillohet në “HNK Rijeka Stadium Rujevica” me 3 gusht. /arbresh.info/