Egnatia u shpall kampione e Shqipërisë për herë të dytë me radhë.

Rrogozhinasit mposhtën në finalen e “Final Fourit”, Vllazninë e Shkodrës me rezultat të thellë 4-0, shkruan Arbresh.info.

Pas triumfit, presidenti i FSHS-së, Armand Duka i ka uruar kampionët për triumfin, nëprmjet një postimi në rrjetin social Facebook.

“Urime ekipit të Egnatias për fitimin e titullit kampion në Abissnet Superiore.”

“Një sezon fantastik, me beteja të shumta deri në momentet e fundit në kampionatin e rregullt dhe i mbyllur me një finale me emocione në “Arenën Kombëtare””.

“Përgëzime për fituesit dhe për të gjitha ekipet garuese, duke nisur nga Vllaznia finaliste e deri tek ekipi i fundit që garoi në Abissnet Superiore për të arritur objektivat e veta”.

“Urime lojtarëve të Egnatias, stafit teknik, drejtuesve dhe tifozëve që ndoqën dhe mbështetën skuadrën e tyre në këtë rrugëtim të përmbyllur me trofe”.

“Dëshiroj shumë një përfaqësim sa më dinjitoz të ekipeve tona në kupat e Europës në vazhdim, që do të ishte edhe shpërblimi më i madh për punën e bërë gjatë gjithë sezonit futbollistik”, ka shkruar Duka./Arbresh.info