Borussia Dortmundi do të ketë një punë mjaftë të vështirë për të arritur në çerekfinale të Evropa Ligës.

Gjiganti gjerman është tronditur mbrëmjen e sotme (e enjte) nga Red Bull Sazburgu i Valon Berishës, i cili shënoi dy gola të bukura këtë takim, shkruan portali arbresh.info.

Skuadra austriake siguroi epërsinë në minutën e 49′ përmes penaltisë të ekzekutuar nga Berisha, i cili shënoi edhe golin e dytë të klubit të tij. Reprezentuesi i Kosovës mposhti sërish portierin zviceran Roman Burki duke realizuar një super gol për 2 me 0.

Andre Schurrle i dha shpresë Dortmundit duke ngushtuar epërsinë në 1 me 2 me golin e shënuar në minutën e 62′.

Valon Berisha është lojtari me notën më të lartë te skuadra mysafire. Mesfushori është vlerësuar me notën 8.2 për paraqitjen solide kundër klubit nga Bundesliga e Gjermanisë.

Takimi kthyes ndërmjet dy skuadrave zhvillohet javën e ardhshme./arbresh.info/