Juventusi dhe Interi kanë mëdyshje në mesfushë para Derbit të Italisë mbrëmjen e sotme (e premte).

Rodrigo Bentancur është në dyshime para super ndeshjes në stadiumin Allianz, prandaj Massimiliano Allegri pritet të shfrytëzoj Miralem Pjanicin dhe Blaise Matuidin në sistemin 4-2-3-1 ose të sjellë Emre Canin, transmeton portali arbresh.info.

Ndërkohë, Interi është në mungesë të Radja Nainggolanit, andaj Joao Mario mund të bëhet pjesë e skuadrës së tij, ndonëse edhe Borja Valero mund të shfrytëzohet nga fillimi.

Joao Cancelo pritet të ndryshojë krahët me Mattia De Sciglion dhe të rikthehet në anën e djathtë të mbrojtjes së Juves, ndërkohë që Matteo Politano besohet se do të zëvendësojë Keita Balde Diaon në krahun e djathtë te Interi.

Ndeshja mes dy skuadrave fillon në ora 20:30./arbresh.info/

Juventus (4-3-1-2): Szczesny; Cancelo, Bonucci, Chiellini, De Sciglio; Bentancur, Pjanic, Matuidi; Dybala; Mandzukic, Ronaldo

Lëndimet/suspendimet:  Khedira, Alex Sandro, Barzagli (I)

Inter (4-3-3): Handanovic; D’Ambrosio, De Vrij, Skriniar, Asamoah; Vecino, Brozovic, Joao Mario; Politano, Icardi, Perisic

Lëndimet/suspendimet: Dalbert, Nainggolan (I)

Gjyqtari: Irrati