De Vrij nënshkruan kontratë me Interin?

10:03 | 10 Maj 2018
Arbresh Info

Stefan de Vrij duket se ka bërë një tjetër hap drejtë largimit nga Lazio pasi Interi raportohet të ketë depozituar kontratën e tij me Serie A-në.

Bazuar në një raport nga ‘Gazzetta dello Sport’, De Vrij ka nënshkruar kontratë katër vjeçare me Interin që vlen 4.2 milionë euro në sezon duke përfshirë këtu edhe bonuset, transmeton portali arbresh.info.

Pas kësaj, mbrojtësi holandez pritet të bëhet pjesë e “Nerazzurrëve” duke filluar nga 1 korriku.

Sulmuesi Lautaro Martinez i Racing Club dhe Kwadwo Asamoah i Juves janë yjet tjetër që do t’i bashkohen atyre.

26-vjeçari do të përballet me punëdhënësit e ardhshëm në ditën e fundit të këtij sezoni, kur Interi të udhëtoj në Olimpico për të zhvilluar ndeshjen që mund të vendos fatin e tyre në Ligë të Kampionëve./arbresh.info/