Mbrojtësi i Real Madrid, Raúl Asencio, shkaktoi frikë të madhe te tifozët dhe të gjithë të pranishmit në ndeshjen ndaj Benfica në kuadër të Ligës së Kampionëve, e cila përfundoi me fitoren 2-1 për madrilenët.

Qendërmbrojtësi u përplas në pjesën e dytë me bashkëlojtarin e tij, Eduardo Camavinga, dhe pas një rënieje të rëndë në fushë, u detyrua të largohej me barrelë.

Momenti shkaktoi shqetësim të madh në stadium dhe në stafin e klubit.

Pas ndeshjes, trajneri i ekipit të të rinjve, Álvaro Arbeloa, pranoi se situata ishte shumë e frikshme.

“Na është ngushtuar stomaku të gjithëve,” deklaroi ai në konferencë për media.

Në orët e fundit ka ardhur edhe një përditësim për gjendjen e futbollistit.

Sipas gazetarit Juanma Castaño, prezantues i emisionit “El Partidazo” në COPE, Asencio është aktualisht në spital nën vëzhgim mjekësor dhe është në pritje të rezultateve të ekzaminimeve me skaner (TAC).

“Lojtari është i vetëdijshëm dhe po komunikon. Atij i është vendosur një serum dhe kjo është informata që kemi deri tani nga burime të brendshme”, raportoi gazetari spanjoll.

Real Madridi ndodhet në gjendje të vështirë sa i përket repartin të mbrojtjes dhe Asencio do të ishte goditja e radhës nëse do të mbetej gjatë jashtë fushave./Arbresh.info