Marc Cucurella nuk është i interesuar për një kalim te gjiganti i La Ligës, Atletico Madrid këtë verë.

Reprezentuesi spanjoll Cucurella ra dakord për një lëvizje prej 55 milionë funte për t’iu bashkuar Chelseat nga Brighton & Hove Albion pas një sezoni të parë mbresëlënës me Pulëbardhat.

Megjithatë, ai nuk e ka përsëritur atë formë me Chelsean, dhe një vend titullari është në rrezik real, pas ardhjes së Mauricio Pochettino në Stamford Bridge.

Pozicioni i tij i pasigurt te Chelsea ka hapur spekulime se ai mund të largohet menjëherë nga klubi dhe të kthehet në Spanjë.

Cucurella u përfol se kishte marrë një ofertë nga Atletico Madrid, të cilën mbrojtësi katalanas po e konsideronte.

Megjithatë, kjo lidhje është hedhur poshtë menjëherë nga agjenti i Cucurella, Alvaro Dominguez, sipas raportimeve nga Mundo Deportivo .

Cucurella dëshiron të qëndrojë dhe t’i dëshmojë Pochettino-s në javët e ardhshme, por ai mund të jetë i hapur për një rikthim në Spanjë në një afat më të gjatë nëse fotografia ndryshon./Arbresh.info/