Cristiano Ronaldo është parë me të dashurën e tij duke shijuar një kohë mjaftë romantike në një restauron në Lisbon pasi shkoi në vendlindjen për një “takim sekret” me avokatët e tij.

Sulmuesi i Juventusit, i cili është duke u përballur me një hetim të ri nga policia e Shteteve të Bashkuara të Amerikës rreth akuzave për përdhunimin e një modele, dukej shumë i lumtur derisa po shijonte kohën me partneren e tij Georgina Rodriguez në Sky Bar, transmeton portali arbresh.info.

33-vjeçari është nisur për kryeqytetin portugez të dielën duke shfrytëzuar një aeroplan privat pavarësisht se ka mbetur jashtë skuadrës për ndeshjet e ardhshme të skuadrës së tij kombëtare kundër Polonisë dhe Skocisë këtë javë.

Siç raporton e përditshmja portugeze ‘Correio da Manha’, ai mori këtë udhëtim – një ditë pasi shënoi në fitoren 2 me 0 të Juves ndaj Udineses – për një “takim sekret” me avokatët e tij.

Gazeta shton se lojtari ishte “i përkushtuar për tu përgatitur plotësisht mbrojtjen e tij” kundër akuzave nga Kathryn Mayorga për përdhunimin e saj në një hotel në Las Vegas në vitin 2009.

Ai tashmë ka hedhur poshtë këto akuza duke i quajtur “lajme të rrejshme” dhe duke e përshkruar përdhunimin si një “krim të neveritshëm”./arbresh.info/