Cristiano Ronaldo është duke kaluar një kohë mjaftë të vështirë te Juventusi dhe kjo duket të jetë periudha e tij e parë problematike në Torino.

Portugezi pushtoi kryetitujt për arsye negative mbrëmjen e së shtunës duke u larguar nga stadiumi Allianz Arena para përfundimit të ndeshjes së Juventusit kundër Milanit si pasojë e zëvendësimit në minutën e 55′, transmeton portali arbresh.info.

Pavarësisht zemërimit të tij, klubi ka zgjedhur për të mos ndëshkuar yllin e tyre.

Por, La Gazzetta dello Sport ka shkruar se bartësi i fanellës me numër 7 është në krizën e tij të parë në Serie A dhe se Juventusi është i alarmuar.

Gazeta ka shpjeguar se Cristiano nuk është në formë, ka probleme fizike dhe dështon para portës teksa është duke përjetuar fillimin e sezonit më keq se vitet e fundit të karrierës së tij.

Sidoqoftë, Ronaldo tani gjendet në detyrë me skuadrën kombëtare të Portugalisë dhe synon t’i kthehet formës./arbresh.info/