City deklason Juven dhe siguron pozitën e parë në grupin G

23:00 | 26 Qershor 2025
D.H

Manchester City ka shënuar fitore të thellë ndaj Juventusit me rezultat 5-2, në ndeshjen e tretë të grupit G të Kupës së Botës për Klube.

Jeremy Doku shënoi golin e parë për skuadrën e Guardiolës pas vetëm nëntë minutash lojë, shkruan Arbresh.info.

Por dy minuta më vonë, Koopmeiners barazoi rezultatin në 1-1.

Një autogol i çuditshëm nga Kalulu në minutën e 26-të, e rikthye Manchester Cityn në epërsi sërish.

Ndërkohë edhe pjesa e dytë solli katër gola tjerë. Erling Haaland i inkuadruar në lojë, shënoi në minutën e 52-të për 1-3.

Kurse golin e katërt për Man Cityn e realizoi përfaqësuesi i Anglisë, Phil Foden pas një asistimi nga Savinho.

Pas asistimi braziliani gjeti edhe golin në minutën e 75-të, për t’i dhënë vulë fitores së Cityt.

Megjithatë deri në fund, Juventusi shënoi edhe golin e dytë në ndeshje me anë të Dusan Vlahovicit, gjashtë minuta para fundit.

Pas tri ndeshjeve Manchester City e mbyll grupin si liderë me nëntë pikë, kurse Juventus ngelet në pozitën e dytë. Këto dy skuadra gjithashtu sigurojnë kualifikimin në rrethin e 1/8 së finales në Kupën e Botës për Klube, nga grupi G./Arbresh.info