Christopher Nkunku kërkon largimin nga PSG, alarmohet Arsenali

12:58 | 10 Prill 2019
Arbresh Info

Christopher Nkunku është i gatshëm për të kërkuar largimin nga Paris Saint Germaini.

Mesfushorit i dështoi transferimi te Arsenali në ditën e fundit të merkatos së muajit janar të transferimeve dhe vazhdon të mbetet në radarin e “Topçinjve”, transmeton portali arbresh.info.

Le Parisien thotë se Nkunku dëshiron të largohet nga PSG këtë verë për shkak se ndihet si një i hedhur poshtë nga trajneri Thomas Tuchel. 21-vjeçari beson se Tuchel ka thyer premtimet rreth minutave të tij në fushë.

Derisa ka edhe një vit të mbetur në kontratën e tij me PSG-në, Nkunku tani është i vendosur për largim.

Në fakt, agjenti i tij ka informuar tashmë drejtorin e PSG-së, Antero Henrique, se nuk mendon të fillojë bisedimet për kontratë të re./arbresh.info/