Chelsea zbulon zëvendësuesin e Thibaut Courtois

16:26 | 24 Shkurt 2017
Arbresh Info

Chelsea ka identifikuar zëvendësuesin e portierit belg, Thibaut Courtois, nëse ky i fundit vendos të largohet këtë verë nga ‘Stamford Bridge’.

24-vjeçari nuk e ka mbajtur sekret faktin se dëshiron të luaj në Madrid, transmeton portali arbresh.info. Presidenti i “Los Blancos”, Florentino Perez është duke kërkuar zëvendësuesin e Keylor Navas dhe David de Gea i Manchester United është një tjetër lojtarë në krye të listës pas Courtiois.

Megjithatë, lideri në Premierë Ligë ka identifikuar Jan Oblakun e Atletico Madridit si një zëvendësues të reprezentuesit belg.

Slloveni, i cili arriti në kryeqytetin spanjoll nga Benfica për 16 milionë euro në vitin 2014, së fundmi ka nënshkruar kontratë të re me klubin që përmban gjithashtu një klauzolë të lëshimit prej 100 milionë euro./arbresh.info