Challandes pas humbjes nga Gjeorgjia: Performanca nuk ishte e keqe, ekipi luajti mirë

23:23 | 12 Tetor 2021

Pas ndeshjes është prononcuar përzgjedhësi Bernard Challandes, i cili tha se performanca nuk ishte e keqe dhe ekipi luajti mirë edhe pse pësoj humbje ndaj Gjeorgjisë në stadiumin “Fadil Vokrri” në Prishtinë.

Lexo edhe:

Shuhen Shpresat e Kosovës për Fitore, pësojnë humbje ndaj Gjeorgjisë

“Mendoj që jam i zhgënjyer me ekipin për arsye se luajtëm mirë. Performanca nuk ishte e keqe, ekipi luajti mirë. Kemi luajtur mirë.  Krijojmë mirë por mungon pasimi i fundit. Pjesën e dytë kemi qenë dominant, por ka munguar tranzicioni”.

Ai ka vazhduar të thotë se skuadra luajti mirë derisa ka lavdëruar edhe Gjeorgjinë për të cilën thotë se ka ekip të mirë.

“Për mua nuk është problem vendi 4 apo 5 por ne kemi mundur ta fitojmë më shumë pikë”, ka thënë ai.

“Nuk jemi në pozicion, jam trajner, nuk është vendimi i im, unë jam mirë me këtë skuadër. E di që duhen rezultatet, këtë herë nuk kemi rezultate dhe nuk e mendoj të ardhmen. Bëj punën time dhe jap maksimumin pastaj është vendim i federatës e jo i imi për edicionin e ardhshëm të Federatës së Futbollit”, tha Challandes.

Lajmet më të lexuara