Santi Cazora ka shënuar dy gola mbrëmjen e sotme (e enjte) kundër Real Madridit duke i siguruar një pikë skuadrës së Villarrealit.

Takimi mes dy skuadrave spanjolle i zhvilluar në kuadër të xhiros së 17-të në La Liga ka përfunduar me rezultat të barabartë 2 me 2, shkruan portali arbresh.info.

Ish ylli i Arsenalit ka shkëlqyer në këtë ndeshje duke realizuar dy gola që rezultuan vendimtare në këtë ndeshje.

Spanjolli dërgoi në epërsi skuadrën e tij në minutën e 4′, por goli u mohua menjëherë nga Karim Benzema që shënoi me kokë për 1 me 1 pas vetëm tre minutave.

‘Los Blancos’ madje përmbysën rezultatin duke shënuar edhe një herë gjatë pjesës së parë.

Këtë herë mbrojtësi Raphael Varane shënoi me kokë pas një ndërprerje.

Goli i barazimit nga Cazora u realizua në minutën e 82′ duke përmbyllur gjithçka në stadiumin Estadio de La Ceramica.

Real Madridi vazhdon qëndrimin në pozitën e katërt me 30 pikë, shtatë larg Barcelonës në krye të tabelës, ndërsa Villarreali me këtë pikë ka dalur nga zona e dëbimit./arbresh.info/