Casemiro në Arsenal si zëvendësues i Granit Xhakës?

19:06 | 31 Janar 2019
Arbresh Info

Arsenali thuhet se është një hap më afër për të rrëmbyer transferimin e mesfushorit të Real Madridit, Casemiron.

Kështu raporton uebfaqja spanjolle Don Balon, sipas të cilës ‘Los Blancos’ planifikojnë të zëvendësojnë reprezentuesin brazilian me Julian Weiglin e Borussia Dortmundit, transmeton portali arbresh.info.

Nga ana tjetër, Casemiro do të jetë një super përforcim te Arsenali, i cili thuhet se dëshiron të zëvendësojë Granit Xhakën dhe Mohamed Elnenyn në rolin defaziv të mesfushës.

Pavarësisht rënies në formë te Madridi këtë sezon, ashtu si shumica e bashkëlojtarëve të tij, Casemiro vazhdon të jetë njëri nga lojtarët më të mirë në pozitën e tij.

Uebfaqja e lartpërmendur shton gjithashtu se Real Madridi është i përgatitur për të lejuar largimin e tij në rast se ata pranojnë oferta që janë rreth 52 milionë funta./arbresh.info/