Caktohen gjyqtarët për gjysmëfinalet e Kupës, Ilir Mehmeti ndan drejtësinë në derbi

12:30 | 8 Prill 2025
D.H

Gjatë kësaj mesjavë luhen dy ndeshjet e para gjysmëfinale të Kupës së Kosovës në futboll.

Kurse gjatë ditës së sotme në selinë e Federatës së Futbollit të Kosovës është bërë edhe shorti për të caktuar gjyqtarët për dy sfidat, shkruan Arbersh.info.

Dy çiftet gjysmëfinaliste janë Prishtina – Drita dhe Llapi – Drenica.

Ilir Mehmeti është shortuar për të ndarë drejtësi në derbin mes Prishtinës dhe Dritës. Asistentë të tij janë Granit Hyseni dhe Besnik Morina. Gjyqtar i katërt do të jetë Kujtim Krasniqi.

Në VAR do të jenë Burim Jahmurataj dhe Arbnor Bullatovci.

Tek sfida tjetër mes Llapit dhe Drenicës, gjyqtar kryesor u caktua Dardan Çaka, ndihmësit e tij janë Fatlum Berisha e Fatmir Sekiraqa kurse i katërti do të jetë Rrezart Hasanaj.

Sistemin VAR do ta përbëjnë Mentor Ajeti e Burim Selimaj.

Dy sfidat fillojnë nga ora 15:00./Arbresh.info