Borussia Dortmund ka vazhduar me rezultate negative në këtë sezon.

Dortmund ka barazuar në shtëpi me skuadren Freiburgut, me rezultat 2 me 2, shkruan arbresh.info.

Skuadra vendase e filloi për mrekulli takimin duke kaluar në epërsi qysh në minutën e nëntë, nëpërmjet mesfushorit japonez, Shinji Kagaëa.

Por, që nga shënimi i golit Dortmundi nuk bëri më asgjë në takim.

Freiburg pas vetëm 12 minutash arriti që ta barazonte rezultatin nëpërmjet sulmuesit, Nils Petersen.

Me këtë rezultat u mbyll pjesa e parë.

Në pjesën e dytë vendasit tentuan të shënojnë golin e dytë, nëpërmjet sulmuesit në ikje, Pierre-Emerick Abuameyang, por që nuk ia arritën.

Kur nuk shënon, pëson është ligji i pa shkruar i futbollit, dhe këtë e pësoi gjiganti gjerman.

Freiburg arriti të shënojë golin e dytë në minutën e 68, përsëri nëpërmjet sulmuesit, Nils Petersen, i cili parabolloi portieri nga një distancë prej 30 metrave.

Megjithatë, Dortmund nuk u dorëzuar dhe arriti ta barazonte rezultatin në minutën e 90, nëpërmjet futbollistit Jeremy Toljan, për rezultatin 2 me 2.

Me këtë barazim Dormtund renditet në pozitën e pestë me 31 pikë, ndëra Freiburg në të 12 me 24 pikë. /arbresh.info/