Presidenti i Chelsea-s, Roman Abramovich është duke u munduar me anë të lidhjeve të mira me agjentin Jorge Mendes të bëjë befasinë dhe të transferojë yllin e Juventus-it, Cristiano Ronaldo.

Portugezi në më shumë se një dekadë është në top formë dhe pavarësisht moshës është duke shkëlqyer në fanellën e “Zonjës së Vjetër”, transmeton portali arbresh.info.

Sipas Don Balon, Chelsea e dëshiron Ronaldo-n, i cili mund t’i motivojë lojtarët që të gjejnë super formën dhe fal tij “Blutë” mund të kandidojnë për titullin e Premierë Ligës.

Pavarësisht moshës transferimi i portugezit mund të kushtojë rreth 107 milionë euro.

Tifozët e Chelsea-s padyshim do ishin të kënaqur t’ia hapin derën lojtarit për të kaluar në “Stamford Bridge” edhe pse Ronaldo në të kaluarën ishte pjesë e Manchester United.

Thuhet se nëse Ronaldo e fiton Ligën e Kampionëve me “Bianconerët”, atëherë mund të largohet gjatë verës./arbresh.info.