Kampionia e Kosovës, Besa Famgas të dielen luan ndaj skuadrës rumune, Potaissa Turda.

Ndeshja që zhvillohet prej orës 18:00 në palestrën “Karagaçi” është e para e raundit të tretë të Kupës Evropiane.

Për më të rejat në kampin pejan dhe për synimet e Besës në ndeshjen ndaj Turdas rumune, është deklaruar trajneri, Arben Muqolli.

“Të dielen takohemi me skuadrën nga Rumania, Potaissa Turda. Është një kundërshtar i fortë. Ka kohë që jemi duke u përgatitur për këtë ndeshje dhe jemi të kompletuar. Për dallim nga ndeshja e fundit me Borcin, kemi një lojtar më shumë”.

“E kemi kthyer spanjollin, Victor Alonso, që ishte me ne në kampionatin e kaluar. Me Alonson jemi përforcuar në sulm e në mbrojtje. Kemi informata të mjaftueshme për kundërshtarin.”, ka theksuar Arben Muqolli./Arbresh.info