Bernabe largohet nga Barça, i bashkohet Man Cityt

10:37 | 21 Qershor 2018
Arbresh Info

Talenti i shumëvlerësuar i Barcelonës, Adrian Bernabe Garcia do t’i bashkohet falas Manchester Cityt në fund të muajit.

Si një mesfushor me tipare sulmuesi, Bernabe ka një kontratë me skuadrën në Camp Nou të vlefshme deri në 30 qershor, por adoleshenti ka postuar një mesazh në llogarinë e tij në rrjetin social Instagram duke konfirmuar largimin, transmeton portali arbresh.info.

‘Diario Sport’ po ashtu raporton se 17-vjeçari do të largohet për transferim te kampioni anglez i Premierë Ligës duke lënë gjigantin katalunas.

Adoleshenti iu bashkua Barcelonës nga rivali katalunas, Espanyol, si një 12 vjeçar dhe është vlerësuar si njëri nga talentët më të mirë te akademia La Masia e klubit.

Adrian Bernabe Garcia do t’i bashkohet sistemit të ri të skuadrës nën udhëheqjen e Pep Guardiolas./arbresh.info/