Atalanta ka pësuar humbje ndaj Napolit në sfidën e mbrëmshme në kuadër të Serie A, me rezultat 2-1.

Pas kësaj humbje, Berat Gjimshiti, ka folur për kanalin zyrtar të klubit të Atalantës.

Berat Gjimshiti komentoi humbjen që pësoi Atalanta ndaj Napolit.

“Është e vështirë të komentosh ndeshjen, na duhet kohë. Duhet ta analizojmë ndeshjen, në pjesën e dytë kishim qasjen e duhur. Dukej sikur ishim afër golit të dytë, pastaj bëmë një gabim dhe ata shënuan dhe ne humbëm, ka thënë fillimisht mbrojtësi i Atalantës.

Ai shkurtimisht tha se kjo humbje ndaj Napolit dhemb shumë.

“Ashtu siç shkuan gjërat, dhemb shumë”, potencoi Gjimshiti.

Për fund ai tha se tani duhet të fokusohen në ndeshjen e Europa League ndaj Sportingut.

“Tani duhet të mendojmë për ndeshjen kundër Sportingut, një ndeshje e ngjashme me Napolin. Ne kuptuam në ndeshjen e parë se ata janë teknikë dhe të shpejtë, duhet të japim maksimumin dhe të fitojmë përsëri”, ka përfunduar kapiteni i kombëtares kuqezi.

Pas kësaj humbje Atalanta është në pozitën e pestë me 20 pikë./Arbresh.info/