Pa Stevan Joveticin, Fatos Beqiraj dhe Stefan Mugosa do të jenë përgjegjës për fazën sulmues të malazezëve.

Mali i Zi dhe Kosova do të takohen pa praninë e shikuesve gjatë mbrëmjes së ditës së nesërme në Podgoricë, me fillim në ora 20:45.

Mediat u interesuan nëse sulmuesi pejan do të jetë kapiten i ekipit kombëtar malazez në kuadër të ndeshjes për kualifikueset e kampionatit evropian të vitit 2020.

Ljubisa Tumbakovic

Trajneri Ljubisa Tumbakovic nuk iu përgjigj direkt pyetjes së gazetarëve duke lënë të kuptohet se deri në momentin e fundit nuk dihet nëse do të luajë ish-lojtari i ekipit të Besës.

“Nëse luan dhe nëse do të luajë, do ta shihni nesër”, tha shkurtimisht Tumbakovic gjersa u pyet rreth presidentit të ndjerë të FFK-së, Fadil Vokrrit, ku strategu pohoi se “ishte shoku im”.

Ai më tutje ka folur rreth ndeshjes me “Dardanët” duke cilësuar lojën individuale të ekipit tonë përfaqësues.

Ndryshe, Mali i Zi zë pozitën e katërt të renditjes tabelore të Grupit A me një pikë, po aq sa kanë edhe “Dardanët” e vendit të tretë. /Telegrafi/