Shtatë ndeshje janë duke u luajtur momentalisht me orarin e mbrëmjes në Ligën e Kampionëve, mirëpo fokusi është në Francë dhe Angli. Në të gjitha takimet tani kanë përfunduar pjesët e para.

Në kryeqytetin francez Parisi po mposhtet bindshëm nga Bayerni pas pjesës së parë me rezultat 0-2.

Të dy golat i shënoi Luis Diaz. Kolumbiani shënoi në minutën e 4-të dhe 32-të.

Parisi iu anulua një gol i Dembeles në minutën e 22-të nga VAR-i për pozicion jashtë loje. Po i njëjti futbollist u largua tre minuta më vonë nga loja.

Në përballjen tjetër mes Liverpoolit e Realit ndeshja është baras pas pjesës së parë. Më meritori për këtë rezultat 0-0 është Courtois.

Szoboszlai rrezikoi tri herë për ‘The Reds’ me goditjet e tij, por belgu ishte në vend. Portieri i Realit u tregua në formë edhe në fundin e pjesës së parë kur ndali një goditje të Mac Allisterit.

Reali mundësinë më të mirë e pati rreth minutës së 40-të me Bellingham por goditja e tij u pritë nga Mamardavshvilli.

Në ndeshjet tjera, Atletico po fiton 1-0 ndaj Union SG, Monaco po triumfon me rezultat të njëjtë ndaj Bodo/Glimtit.

Fitore minimale 1-0 po shenojnë edhe Olympiacosi ndaj PSV si dhe Tottenham ndaj Copenhagen./Arbresh.info