Bayern Munich kanë intensifikuar ndjeshëm interesimin për sulmuesin e krahut të Newcastle United, Anthony Gordon, duke i paraqitur një ofertë konkrete për transferim në verë.

Sipas raportimeve nga Sky Sports Germany dhe gazetari Florian Plettenberg, gjigantët gjermanë tashmë i kanë vendosur në tavolinë lojtarit dhe përfaqësuesve të tij kushtet e një kontrate pesëvjeçare, duke e bërë Bayernin një nga favoritët kryesorë për nënshkrimin e tij.

“Pavarësisht interesimit nga klube të tjera të mëdha, Bayern i kanë paraqitur Gordonit dhe kampit të tij shifra konkrete. Ai mund të nënshkruajë një kontratë 5-vjeçare me Bayernin,” thuhet në raportim.

🚨📈 Despite interest from other top clubs, FC Bayern have now presented Anthony #Gordon and his camp with concrete figures. Gordon could sign a five-year contract at Bayern.

The main issue remains an agreement with Newcastle – not with the player. Bayern have clear limits.… pic.twitter.com/u0iRXkmsBg

— Florian Plettenberg (@Plettigoal) May 5, 2026

Megjithatë, pengesa kryesore mbetet marrëveshja me Newcastle. Klubi anglez nuk ka presion për ta shitur lojtarin, pasi ai është nën kontratë deri në vitin 2030 dhe konsiderohet një nga lojtarët kyç në projektin e Eddie Howe.

Sipas Plettenberg, “Magpies” do të kërkonin rreth 90 milionë euro për të lejuar largimin e tij në verë, një shifër e lartë që reflekton rëndësinë e tij në skuadër.

Në garë për Gordon është edhe Barcelona, e cila e ka identifikuar anglezin si një përforcim të mundshëm, por problemet financiare të klubit katalanas e bëjnë shumë të vështirë konkurrimin me ofertat e Bayernit.

Tani topi kalon te negociatat mes Bayernit dhe Newcastle, ku gjermanët duhet të afrohen me kërkesat e klubit anglez nëse duan ta finalizojnë transferimin.

Për Gordon, një kalim në Bundesligë do të nënkuptonte mundësi për trofe të mëdhenj dhe pjesëmarrje të rregullt në Champions League, por gjithçka mbetet e varur nga marrëveshja mes klubeve./Arbresh.info