Në vitin 2009, UEFA prezantoi lojën e ndershme financiare për të parandaluar që klubet të shpenzojnë para në mënyrë të pakontrolluar, domethënë të sjellin futbollistët në përputhje me gjendjen e tyre financiare në bankë.

Mirëpo, duket se në Barcelonë nuk i zbatojnë shumë këto rregulla dhe informacionet e fundit që kanë rrjedhur në media thonë se shembulli i gjigantit katalanas do të thotë realisht “fair play” financiar.

Gjegjësisht, përderisa Barcelona ka sjellë futbollistë në vitet e fundit dhe ka shpenzuar 100 milionë euro në dy sezonet e fundit, por ata ende kanë borxhe në klube të ndryshme evropiane.

Domethënë, që nga viti 2022, Leeds pret këstet e para në emër të dëmshpërblimit për Raphinhan në vlerë prej 42.5 milionë euro, Manchester City pret pagesën prej 26 milionë eurosh për Ferran Torres, por këtu nuk përfundon lista e klubeve të cilave Barcelona u ka ende borxh.

Barça i detyrohet Sevillas 24.5 milionë euro për Jules Kounde, ndërsa Bayernit 21 milionë euro për Robert Lewandowski.

Të gjithë pyesin se si është e mundur kjo, por nëse paratë nuk fillojnë të mbërrijnë së shpejti në llogaritë e këtyre klubeve, e gjithë çështja mund të përfundojë në gjykatë.

Kësisoj kriza e Barcelonës vazhdon të jetë, derisa katalunasit presin në verë të shesin ndonjë nga yjet e skuadrës për të paguar disa nga borxhet. /Telegrafi/